Request letter for #DignifiedMenstruation

 

नमस्कार नागरिक बृहत आन्दोलन ?

लाई मैले यो अनुरोध पत्र मेसेन्जर र इमेलबाट पठाए | हिजो देखि नै यो फेसबुक पेजबाट छाउपडी, छौगोठ, कु प्रथा भन्दै पोस्टरहरु साझा गरिएका थिए | 

यहि शिलशिलामा प्रणेता (पत्रकार) संग कुरा भयो | केहि कुरा फरक भएर प्रसारित भए | 

तर आज बिहानै देखि पुरानै शैलीमा फेरी पोस्टरहरु साझा हुन् थाले | म अनुरोफ्ह गरु कि नगरु सोच्दै थिए | मिना पौडेल दिदीले मलाई नै त्यो संदेश पठाउनु भयो | मैले यहाँ तल सेयर गरेको चिठी उहालाई पनि पठाए | पछी रिता परिवार, नारायण वाग्लेलाइ पनि पठाए | पछी उपेन्द्र सुब्बाले पनि सेयर गरेको देखेर उहालाई पनि पठाए र अन्तत प्रणेतालाइ पनि पठाए | 

म भौतिक रुपमा सहभागी नभए पनि यो आन्दोलनको समर्थक हो र, आन्तरिक रुपमा सकेको काम गरिरहेको छु |

हिजोबाट कंचनपुरको घटनाको बारेमा संदेशहरु आएको देखेको छु | जुन आफैमा राम्रो कुरा हो तर छाउपडी शब्द प्रयोग गर्ने कुरामा तपाईहरु जस्तो उन्नत लोकतान्त्रिक र बैज्ञानिक विचार भएका विज्ञहरुबाट कसरी भयो होला भन्ने लागेको छ |

छाउपडी भाषिका रहेछ  | अर्थात् अछामी स्थानीय भाषा |

अछामी भाषामा छाउपडी भनेको महिनावारी हो ,त्यसैले अछामी भाषामा लेखिएको दस्ताबेज बाहेक अन्य भाषामा त छाउपडी लेख्न पाइएन भन्ने लाग्छ |

गएको चैत्र ८ गते रास्ट्रिय सभाले मर्यादित महिनावारी सम्बन्धी संकल्प प्रस्ताब पास गरेको छ | जहाँ छाउपडी नभनेर महिनावारी भन्ने, महिनावारी जोडिएको छुइछाईलाइ महिनावारी विभेद भन्ने र समाधानको लागि चाही मर्यादित महिनावारी भन्ने सुझाब छ यहाहरुलाइ बिधितै छ होला भन्ने लागेको छ | प्रस्ताबमा महिनावारी विभेद भन्नुको कारण संबिधानको १४ वटा मौलिक हक हनन हुन्छ जस्तो मर्यादापुर्वक जिउन पाउने अधिकार-१६ (१), समानतापुर्वक जीउन पाउने अधिकार -१७ (१), स्वतन्त्रतापुर्वक जीउन पाउने अधिकार -१८ (१,२,३), शोषण बिरुद्दको अधिकार -२९ (१,२,३), स्वस्थ्य बाताबरणको अधिकार -३० (१), आवासको अधिकार -३६ (१, २), खानाको अधिकार -३६ (१, २), सुरक्षित मातृत्व र प्रजनन् अधिकार-३८ (३, ४), ३९ – बाल अधिकार र सामाजिक न्यायको अधिकार-४२ असर पार्दछ भनिएको छ |

त्यसैले महिनावारी विभेद संबैधानिक अधिकारको हनन हो |

महिनावारी विभेद मानब अधिकारको हनन हो |

आन्दोलनको पेजमा नै मैले फोटो पनि पठाएको थिए|

संसारमा ५००० वटा महिनावारीलाइ बोलाउने नक्कली नाम छ भने नेपाली भाषामा ५० वटा नक्कली नाम मैले भेटेको छु |

त्यसैले महिनावारी, महिनावारी विभेद, महिनावारी गोठ भन्दा राम्रो हुन्छ होला भन्ने लाग्छ | त्यसैगरी समाधानको लागि मर्यादित महिनावारी |

धेरै कुरा छन्, सबै भन्न सक्दिन | भेटमा भनम्ला |

इगो, राजनीति गुटबन्दी आदि कारणले कोहि कोहि सांसद, पत्रकार, अभियानकर्मी, गैर सरकारी स्तरबाट  छाउपडी शब्द प्रयोग गरिरहेका छन् जुन आफैमा गलत हो |

यसको लागि पढ्ने सामग्रीहरु पठाउन सक्छु |

छोटकरीमा यति भन्दै यो शब्दको प्रयोग रोकिदिन हार्दिक अनुरोध गर्दछु |  

धन्यबाद |

साझ प्रणेता बाट पाएको संदेश 

दुइवटा कमेन्ट

१. This poster and message is correct. Chhaupadi crime ho. Bibhed maatra hoina hai.

Crime against women.

2. यो छाउ पडि कि महिनावारि भन्ने कुरा पनि पहिचानको लडाई हो जस्तो लाग्छ । यसमा धेरै गुनासो गर्नेहरुलाई नि सबैले चिनेका छन र बुझेका पनि छन । हामि असमान सामाजिक सम्बन्धबाट ग्रसित छौ । हाम्रो मुल समस्या भने हाम्रो समाजको ऐतिहाँसिक असमान सामाजिक सम्बन्ध हो न कि कुनै शब्द । शब्द जति सिंगार बटार गरे पनि हाम्रो जिवनलाई सबैभन्दा बढि असर हाम्रो व्यवहारले गरेको हुन्छ । साविकको कर्णालि अंचलमा छुई भनिन्छ, सुदुर तिर छाउ भनिन्छ । अल्लि अघि महिनावारि भनिन्थ्यो आजभोलि मर्यादित महिनावारि पनि भनिन्छ । हामिले मर्यादित महिनावारिको विकासे राजनिति पनि धेरै हेर्यौ । महिनावारि को विषयलाई नारा र भाषण भुषण र शब्दाडम्बरमा मात्र सिमित नपारिकन संबेदनशिल बन्नु पर्छ । छुई वा छाउ पडि प्रथा छ यसको रुप परिवर्तन हुदैछ । रुढिवादि समाजमा यसलाई अझै वैज्ञानिक र तर्कपुर्ण बनाउने चेष्टा हिजो देखि नै हुदै आएका छन । हामीले त्यसको खण्डनमा एक भएर लाग्नु पर्छ न कि तैले यसो भनिस मैले यसो भने खासमा मैले नै भनेको कुरा सहि हो भन्ने तर्क त्यो पनि बाहुनवादि रुढिवादबाट ग्रासित छ है मित्रहरु ।

 >>>>>>>>>>>>>>>>>>>>>>>>>>>>>>>>>>>>>>>>>>>>>>

My conclusion, regardless of having extensive political, academic background of majority of members of this group, yet to ready to listen about the concern I/we raise. Long way to go though it is possible.